O`zbekiston Temir Yo`llari
Aksiyadorlik Jamiyati

Qulay, xavfsiz, ishonchli!

Elektron yo‘l hujjatlarini saytda rasmiylashtirish qoidalari

 

Elektron yo‘l hujjatlarini saytda rasmiylashtirish qoidalari

Saytda elektron yo‘l hujjatini rasmiylashtirish poyezd yo‘nalishning boshlang‘ich stansiyasidan jo‘nashiga 2 soat qolgunga qadar davom etadi.

Biletlar quyidagi yo‘nalishlarda yuradigan poyezdlarga sotiladi:

  • O‘zbekiston Respublikasi hududida ichki yo‘nalishlarda;
  • MDH davlatlari bo‘yicha xalqaro yo‘nalishlarda.

Elektron yo‘l hujjatini sotib olish uchun buyurtmani rasmiylashtirishdan oldin Siz saytda autentifikatsiyadan yoki ro‘yxatdan o‘tishingiz kerak. Buyurtmalaringiz to‘g‘risidagi ma'lumotni ko‘rib chiqish yoki yangilarini rasmiylashtirish uchun shaxsiy login va parolingizni eslab qoling.

Elektron yo‘l hujjatlarini rasmiylashtirishda taklif etilayotgan maydonlarga birin-ketin safar rekvizitlari va har bir yo‘lovchining shaxsiy ma'lumotlari kiritiladi. Safar rekvizitlari va har bir yo‘lovchining shaxsiy ma'lumotlari to‘g‘ri kiritilishi uchun buyurtmani rasmiylashtirgan foydalanuvchi to‘liq javobgar bo‘ladi.

Quyidagi hollarda bo‘sh o‘rin bor bo‘lgan taqdirda “Ekspress” tizimida elektron yo‘l hujjatlarini sotib olish mumkin:

  • poyezd MDH temir yo‘llari poyezdlari shakllantiriladigan punktdan jo‘nashidan uzog‘i bilan 45 sutka oldin (biletlarni sotish mahalliy vaqt bilan soat 10-00 da boshlanadi);
  • poyezd oraliq stansiyadan jo‘nashidan 3 sutka oldin (agar tashuvchi tomondan boshqa tartib ko‘zda tutilmagan bo‘lsa);
  • jadval o‘zgartirilishi (may oyining oxirgi dam olish kuni va dekabr oyining birinchi dekadasi) davrida sotuv boshlanishi muddati o‘zgartirilishi mumkin.

 

Elektron yo‘l hujjatlari katta yoshlilarni, bolalarni tashish uchun tariflar bo‘yicha, shuningdek 5 yoshgacha bo‘lgan bolalar uchun alohida o‘rinni egllamaydigan qilib bepul rasmiylashtiriladi.

Kelishmovchiliklarga yo‘l qo‘ymaslik hamda poyezdga kechikmaslik uchun bir poyezddan ikkinchi poyezdga o‘tish talab etiladigan yo‘nalishga buyurtma rasmiylashtirayotganda poyezdlarning kelishi va jo‘nashi orasida 3 soatlik interval bo‘lishini ko‘zda tutishni tavsiya etamiz.

“Ekspress” tizimida texnologik tanaffus bo‘ladigan vaqt, ya'ni mahalliy vaqt bo‘yicha soat 02-30 dan soat 03-00 gacha saytda elektron yo‘l hujjatini rasmiylashtirish amalga oshirilmaydi.

Iltimos, buyurtmadagi barcha yo‘lovchilarning rekvizitlarini diqqat bilan to‘ldiring. To‘lovni amalga oshirishdan oldin ma'lumotlar to‘g‘ri kiritilganiga yana bir bor ishonch hosil qiling.

Yo‘lovchining shaxsiy ma'lumotlari uning shaxsini tasdiqlovchi hujjatda ko‘rsatilgan ma'lumotlarga mos bo‘lishi kerak. Agar hujjatdagi shaxsiy ma'lumotlar ikki tilda (rus va lotin) ko‘rsatilgan bo‘lsa, davlat ichidagi va MDH davlarlari o‘rtasidagi yo‘nalishlarda yurish uchun buyurtma lotin tilida to‘ldiriladi.

Agar hujjatdagi shaxsiy ma'lumotlar faqat rus tilida ko‘rsatilgan bo‘lsa, davlat ichidagi va MDH davlarlari o‘rtasidagi yo‘nalishlarda yurish uchun buyurtmadagi ma'lumotlar rus tilida to‘ldiriladi.

O‘zbekiston Respublikasi fuqarosi pasportining raqamini kiritish formati (O‘P)

  • Seriya: ikkita harf, raqam: yettita raqam

O‘zbekiston Respublikasida berilgan tug‘ilganlik haqida guvohnomaning raqamini kiritish formati (TG):

  • Seriya: ikkita harf, raqam: yettita raqam

Rossiya Federatsiyasi fuqarosining xorijiy pasporti raqamini kiritish formati (XP):

  • Raqam: 9 raqam

 

Xorijiy davlatlar fuqarolariga berilgan pasport yoki tug‘ilganlik haqida guvohnomaning ma'lumotlarini kiritish uchun “xorijiy hujjat” (XH) hujjat turiga o‘tiladi.

Shaxsni tasdiqlovchi hujjatning raqami kiritilayotganda “№” belgisi ko‘rsatilmaydi.

Yo‘lovchilarning shaxsiy ma'lumotlarida yoki ularning shaxsini tasdiqlovchi hujjatlarning rekvizitlarida xato borligi aniqlangan taqdirda, Siz buyurtma haqi to‘langunga qadar to‘g‘ri ma'lumotni kiritishingiz kerak.

Safar rekvizitlari va har bir yo‘lovchining shaxsiy ma'lumotlari to‘g‘ri kiritilishi uchun buyurtmani rasmiylashtirgan foydalanuvchi to‘liq javobgar bo‘ladi.

Shunga alohida e'tibor qaratamizki, shaxsni tasdiqlovchi hujjatlarning raqamini va boshqa shaxsiy ma'lumotlarni kiritishda xatoga yo‘l qo‘yilgan taqdirda yo‘lovchi bilet kassasida belgilangan namunadagi blankada yo‘l hujjatini olomaydi yoki elektron tarzda ro‘yxatdan o‘tgach, poyezdda safarga chiqolmaydi.

Elektron bilet uchun to‘lov amalga oshirilgandan so‘ng saytda safar rekvizitlari va Sizning elektron biletingiz raqami (14 — ta raqam) tushirilgan elektron yo‘l hujjati shakllantiriladi.

Diqqat! Elektron yo‘l hujjatini albatta qog‘ozda chiqarib oling  yoki qat'iy hisobot blankasida yo‘l hujjati berilishi uchun asos bo‘ladigan elektron yo‘l biletining raqamini (14 — ta raqam) eslab qoling.

Agar elektron yo‘l hujjatini yo‘qotib qo‘ysangiz yoki elektron yo‘l biletingizning raqamini yoddan chiqargan bo‘lsangiz, o‘z parolingiz bilan Shaxsiy kabinetga kiring va o‘zingizga kerakli buyurtmani toping. Zarurat bo‘lsa takror qog‘ozga chiqarib oling.

Qat'iy hisobot blankalarida yo‘l hujjatlarini rasmiylashtirish elektron yo‘l hujjati asosida yoki elektron bilet raqami (14 — ta raqam) asosida buyurtmadagi yo‘lovchilardan birining nomiga elektron yo‘l hujjatida ko‘rsatilgan shaxsni tasdiqlovchi hujjat bo‘yicha yoki ishonch bildirilgan shaxs nomiga ishonchnoma yoki uning notarial tasdiqlangan nusxasi asosida amalga oshiriladi. Ishonchnomaning asli yoki  notarial tasdiqlangan nusxasi bilet  kassasi kassiriga topshiriladi.

Bilet kassalarida qat'iy hisobot blankalaridagi yo‘l hujjatlarini faqat butun buyurtma bo‘yicha olish mumkin.

Bugungi kunda mavjud bo'lgan chegirmali chiptalar hamda "O'zbekiston Temir Yo'llari" AJ rahbariyati tomonidan tasdiqlanayotgan yangi chegirmalik chiptalar faqatgina chiptaxonalarda rasmiylashtiriladi. Chegirmalik chiptalarni rasmiylashtirishni ushbu veb-resursda imkoniyati mavjud emas. Yosh bolalarga chegirmali chipta rasmiylashtirish bundan mustasno.​

Korporativ karta orqali saytdan elektron yo'l hujjatlarini sotib olayotganda, hisob-fakturalar vaqtincha berilmaydi. Hisob-faktura bilan elektron yo'l hujjatini sotib olish uchun savdo nuqtalariga murojaat qilishingiz kerak.